Ateeberezebwa okutta mukyalawe agombeddwamu obwala
Police mu Kampala egamba nti egombyemu obwala omusajja ateeberezebwa okutta mukyalawe.
Lubega Edward okukwatibwa kiddiridde Namata Flavia abadde omukuumi w’abayizi b’ekisulo mu ssomero lya Light High School Sseguku okuttibwa omulambo gwe negusuulibwa e Masulita okukiraana Kakiri.
Nga ayogerako ne Bannamawulire ku kitebe kya Police mu Kampala, ayogerera Police mu Kampala Patrick Onyango, agamba nti oluvannyuma lw’okunoonyereza, Lubega yandiba nga yeeyasse mukyalawe.
