Omuduumizi w’eggye lya Yuganda General Katumba Wamala asabye amawanga ageebunaayira okukwasizaako omukago ogutaba amawanga agali ku Ssemazinga Afirika ogwa AMISOM abakuuma obutebenkevu mu ggwanga erya Somalia. Agamba nti singa kino kikolebwa kiggya kwongera okunnyikiza emirimu gy’omukago guno.
General Katumba abituuseeko ku bugenyi bwaliko obw’ennaku essatu mu ggwanga erya Somalia era n’agamba nti eby’okerinda byongedde okunywezebwa mu ggwanga lino.
Bino abitegeezezza abajaasi abeegattira mu mukago gwa AMISOM nga bali mu kibuga Mogadishu.
Katumba Wamala era asiimye nnyo n’omulimu ogw’amaanyi abajaasi gwebakoze mu byokulonda kwa Somalia.
Asobodde n’okukambula ku mukulembeze w’eggwanga lino, Hassan Sheikh Mohamud ate n’ayogerezeganyaamu ne munne bwebafaanaganya emirimu owa Somalia, Maj Gen. Mohamed Adam Ahmed nga ensisinkano ebadde mu maka goobwa Pulezidenti mu kibuga Mogadishu.
Leave a Reply
You must be logged in to post a comment.