amayembe gagazza essomero e mityana

Ab’obuyinza e Mityana bawaliriziddwa okuggalawo essomero lya Mityana Junior School erisangibwa mu Mityana Municipality kubigambibwa nti amayembe galumba abayizi.

Essomero lino nga lya Church of Uganda era nga okuva kuntadikwa y’olusoma luno abayizi babadde tebakyatereera mu bibiina nga bagamba nti waliwo ekimbe ekibalumba nga n’abasawo mu malwaliro agalinaanyewo kibalemye okuzuula.

Ku balaza abayizi abasoba mu 30 basiiba bekalakaasa era nebagaana n’okuyingira mu bibiina nga bagamba nti abamu ku basomesa baabwe baleeta eby’okoola nebabisimba mu bifo eby’enjawulo okwetoloola essomero nga bagezaako okukuuma emirimu gyabwe.

Omukulu w’essomero Rev. Wilberforce Sseguya yalangiridde nga essomero bwerigaddwawo oluvannyuma lw’okwevumba akafubo n’omumyuka wa Resident District Commissioner, Mr Issa Ntumwa.

Rev. Sseguya agamba nti abaana babadde balekaana nga abalina ekikyaamu ku mitwe nebagezaako okubawa obujanjabi wamu n’okusaba naye nga mpaawo kikyuuka.

Rev. Sseguya agamba nti abamu ku bazadde n’abasomesa bamusabye aleete abasawo b’ekinnansi ekirowoozo kyeyagaanye.

Zeen is a next generation WordPress theme. It’s powerful, beautifully designed and comes with everything you need to engage your visitors and increase conversions.

More Stories
bbanka mu kuggalawo bbanka teyagoberera buwaayiro obumu – cosase