Essomero lya Victoria Nile Primary School n’erya Summit Nursery and Primary School e Jinja nga gano galiraanye ekifo awali entujjo ya Nyege Nyege gaggaddwa okutuusa nga ekivvulu kino kiwedde.
Okusinziira ku akulira eby’enjigiriza mu kibuga Jinja, Haruna Mulopa kino kikoleddwa okutangira abaana abato okulaba emize egibeera mu ntujjjo eyo.
Ab’obuyinza bagamba abayizi bwebabeera bagenda oba nga bava ku ssomero bayinza okulaba ebikolwa by’abadigize ebitasaana n’ekibaviirako okubikoppa nebonooneka.
Amasomero agaggaddwa galiraanye ebifo okuli Golf Club, Source of the Nile, Rugby Grounds, and National Agriculture Showground nga bino entujjo ya Nyege Nyege mweyindira.