Amabugo e Namirembe gakusalibwako ebitundu 25 ku 100

Olukiiko olukulu olukulembera Namirembe Cathedral lwavuddeyo neruyisa etteeka ku mabugo agakunganyizibwa mu misa z’okusabira abagenzi mu kanisa eno wamu ne mumaka gaabwe nga kukulembeddwa abasomi okuva mu kanisa eno. Mutteeka empya Kanisa y’e Namirembe ku mabugo agakunganyizibwa mu kusabira abagenzi yakutwalako ebitundu 25 ku kikumi olwo bamulekwa na benganda bakusigaza ebitundu 75.
Omuwandiisi w’Olukiiko Rev.Canon Nelson Kaweesa agamba nti ensimbi zino zakuyamba okusasulira ebiba bikozeseddwa nga misa egenda mu maaso nti era zakukunganyizibwanga nga tebanasabira mugenzi okusobozesa abaweereza okuzibala n’okuzanjula.