Alowoozebwa okutta Magala aziddwa

Poliisi ya South Africa nga ekolera wamu ne offiisi ya Poliisi y’ensi yonna mu kibuga Pretoria olunaku lw’eggulo yawaddeyo Munnayuganda Patrick Kasaija aka Patrick Agaba Pato eri ab’obuyinza mu Yuganda.
Ono avunaanibwa omusango gw’otemula Suzan Magara. Ekitongole ekiramuzi mu Yuganda kye kyawandiikira Poliisi y’ensi yonna ekiyambe ekwate Pato eyali asuubirwa okubeera mu kibuga Johannesburg, e Gauteng.
Pato yakwatibwa e South Africa mu maka ge e Midrand nga 7-March-2018 aba Poliisi y’ensi yonna nga bali wamu n’aba National Investigation Unit nasimbibwa mu kkooti e Randburg.
Minisita w’ensonga za Ssemateeka wamu n’ebyekiramuzi Michael Masutha ye yawadde ekiragiro ono azibbwe ku butaka mu Yuganda avunaanibwe.