Minisita omubeezi avunaanyizibwa ku nsonga zomunda mu Ggwanga Gen. David Muhoozi ategeezezza Palamenti nti okunoonyereza ku misango 30 egyawabibwa aba National Unity Platform – NUP mu Uganda Human Rights Commission – UHRC era okunoonyereza kulaga nti waliwo ebibuuzo bingi ku kwemulugunya kwa Opposition.
Ono agama nti abawagizi abo aboogerwako tebakolaganye bulungi nabanoonyereza oba obujulizi bwabwe buzze bukyuukakyuuka okuviira ddala kwobwo bwebawaayo mu UHRC.
Minisita afuqdikidde asaba Akakiiko ka Palamenti akavunaanyizibwa ku ddembe lyobuntu okufulumya alipoota eno ku bantu NUP begamba okubuzibwawo eri Bannayuganda bagisome.
Akulira Oludda oluwabula Gavumenti Mathias Mpuuga Nsamba asuubizza okwanukula alipoota ya Minisita nga 5-December, 2023.