🗳️ Akulira enteekateeka ya Operation Wealth Creation (OWC) mu ggwanga, Gen. Caleb Akandwanaho abasinga gwebayita Salim Saleh asabye bannamakolero, bannansi ne bamusigansimbi okukozesa ekyuma ekyazimbibwa e Namanve okukola sipeeya n’ ebyuma eby’enjawulo kibayambe okwanguya emirimu gyabwe.
Gen Saleh agamba nti ekyuma kino kyaleetebwa Pulezidenti Museveni emyaka egiyise era kikola sipeeya ow’enjawulo naye abantu babadde tebanakijjumbira.
Bino Gen. Saleh abyogeredde ku mukolo gw’okukola endagaano wakati wa Tripartite Farasi, (Tractor brand) The Grain Council of Uganda (TGCU) ne Operation Wealth Creation (OWC) ku ttendekero erinoonyereza li Kirema Heritage e Kyankwanzi.
🌐 Soma ebipya: https://www.radiosimba.ug
