Akakiiko k’eby’okulonda mu ggwanga kakyusizza abadde akulira eby’okulonda mu Disitulikiti y’e Rukungiri Pius Ahimbisibwe mu kaseera nga boolekera okalulu k’okujjuza ekifo ky’omubaka omukyala mu Palamenti owa Disitulikiti eno okugenda okubaayo mu mwezi ogujja.
Ahimbisibwe yeyali mu mitambo gy’okulonda kw’omwaka 2016 era nga amuddidde mu bigere ye Umar Kiyimba era nga kino kizze nga ebula ssabbiiti bbiri zokka ab’e Rukungiri bakube akalulu.
Ekifo kino kyasigala kikalu oluvannyuma lwa kkooti ejulirwamu okusazaamu okulondwebwa kwa Winnifred Komuhangi Matsiko owa NRM oluvannyuma lwa mumna FDC Betty Muzamira okwekubira enduulu mu kkooti ng’agamba nti okulonda kuno kwetobekamu vvulugu atagambika.
Kiyimba ayanjuddwa Ssentebe w’akakiiko k’ebyokulonda Simon Byabakama enkya ya leero .