Omumyuuka wa Kampala Metropolitan Police Luke Owoyesigyire avuddeyo nategeeza Bannayuganda nti akatambi akatambula ku mutimbagano akakwatibwa kkamera enketta bikolwa kakadde. Ono agamba nti akatambi kano ka 2022 nga obubbi buno bwakolebwa ku masaŋŋanzira ga Buganda Road okuliraana City Oil ku Bombo Road. Luke agamba nti ekibinja ky’abavubuka kyalumba Engineer eyalina obukadde 30 mu nsawo nebagezaako okuzibba.
Ayongerako nti Poliisi yakwata abenyigira mu bubbi buno okuli; Abdullamani Bakata aka Pancho, Emmanuel Nsubuga, Augustine Wanandya, ne Ivan Muwanda. Nti era bano benyigira mu bubbi obulala bwebakubira omukungu w’Ekitebe kya Ethiopia Dawit Kasa. Ono bamubbako obukadde 2 mu emitwalo 50 nga February 25, 2022, ku Prince Charles Avenue in Kololo.
Poliisi ngekolera wamu ne Flying Squad bakola ebikwekweto nebakwata abavubuka bano abasangibwa ne piki piki, amasimu 20, ATM cards, n’ebiwandiiko by’abantu bebabbanga. Mukikwekweto kyekimu omu ku bano amanyiddwa nga Alipanda yattibwa nga abalala bali ku alimanda mu kkomera e Luzira.
Luke akubirizza Bannayuganda okusigala nga bakakkamu.