Ebyokwerinda mu Disitulikiti y’e Ssembabule ku Kisaawe binywezeddwa nga Bannakibiina kya National Resistance Movement – NRM baddamu okulonda Ssentebe w’Ekibiina owa Disitulikiti oluvannyuma lwokusazaamu ebyava mu kalulu akaliwo nga 23 May.
Okulonda balagira kuddibwemu oluvannyuma lwebigambibwa nti Minisita Anifa Kawooya yenyigira mu mivuyo mu kalulu kano. Kawooya avuganya ne Munnmaggye eyawummula Rtd. Maj. Gen. Phenihas Katirima. Eggombolola ye Bulongo abaayo bbo tebakiriziddwa kwenyigiramu olwokubeera n’enkalala z’abalonzi ezitankanibwa.