Wabaddewo akakyankalano ku kkooti e Nakawa nga ab’enganda z’abantu abiri abaagombebwamu obwala gyebuvuddeko ku byekuusa ku kutemulwa kwa Afande Andrew Fellix Kaweesi, abantu bano bwebavudde mu mbeera nga Police ebagaana okwogerako n’abenganda zaabwe ate n’okuyingira munda mu kkooti.
Abavunaanibwa babadde balabiseeko mu maaso g’omulamuzi ku ddaala erisooka Noah Ssajjabi naye nga abongezzaayo ku alimanda mu kkomera ekkulu e Luzira okutuusa nga enzingu 29 Ssebaaseka omwaka guno oluvannyuma lwa Police okutegeeza nti ekyagenda mu maaso n’okunonyereza ku musango guno.
Abantu bano babadde banyiikaavu nga bagamba nti Police ebadde tebawa mwagaanya kwogerako na ba nganda zaabwe .
Wabula Police ebadde teyinza kunnyonnyola lwaki abantu bano bakugirwa.