Ekikangabwa kibuutikidde abatuuze booku kyalo Lugaga ekiri mu muluka gw’e Mubango ekisangibwa mu Disitulikiti y’e Namutumba oluvannyuma lw’omukyala okulumba mujjawe n’amufumita ekiso ekimuttiddewo.
Abamu ku beerabiddeko n’agaabwe bagambye nti Betty Musuubo y’alumbye mujjawe Rose Naabirye mu makaage n’amufumita ekiso ekimumizizza omusu nga nga balwanira musajja Timothy Mawerere .
Entabwe nti evudde ku Timothy Mawerere okuba nga abadde amaze ssaabbiiti bbiri ng’asula wa mukyala muto ekyanyiizizza mukyala mukulu era bwatyo n’alumba mukyala muto n’amuggya mu bulamu bwensi eno obuwoomerera nga ettungulu.
Abatuuze basobodde okukwata Musuubo ne bamukwasa Police ate omulambo gwa Naabirye gutwaliddwa mu ddwaliro lya Namayingo okwekebejjebwa !