Olunaku olwaleero abeeyimirira omuwandiisi w’obutabo Kakwenza Rukirabashaija eyewangankusa bagenda kulabikako mu Kkooti ya Buganda Road bannyonnyole amayitire g’omuntu gwebeyimirira so nga beyama nti baali bakumuleeta mu Kkooti olunaku lwonna lweriba emwetaaga.
Ku bano kuliko Ssaabawandiisi wa National Unity Platform – NUP David Lewis Rubongoya, Job Keija, omusomesa ku ssomero lya Kololo SS Ashaba Anna wamu ne Munnamateeka Julius Galisonga. Kakwenza avunaanibwa omusango gwokuvvoola Pulezidenti Yoweri Kaguta Museveni ne Mutabani we Lt. Gen. Muhoozi Kainerugaba wabula nabulawo ng’omusango tegunaggwa naddukira e Germany gyakyali n’okutuusa olwaleero.