Ab’ekiwayi kya Nambooze ekya DP beerayiridde okugendera ddala mu maaso n’okuteekateeka enkiiko z’ekibiina mu bitundu by’eggwanga eby’enjawulo wadde nga Police erinnya eggere mu nteekateeka zaabwe .
Kino kiddiridde okuba nga Police yasooka kulinnya ggere mu Lukiiko olwasooka olwali lutegekeddwa ku Nsambya Sharing Hall mu Kampala ssabiiti ewedde , ate kati n’olunaku olw’eggulo (Sande) Police yalinnye eggere mu lukiiko olwabadde lutegekeddwa ku Tropic Inn e Masaka.
Mathias Mpuuga omu ku babadde bateeseteese olukungaana luno agamba nti omukulembeze w’ekibiina kino, Nobert Mao yeekobaana ne Police okulaba nga balinnya eggere mu nteekateeka zaabwe kubanga akizudde nti ekibiina tekikyamwetaaga.
”Enkolagana y’abamu ku bakulembeze b’ekibiina kya DP n’ekibiina ekiri mu buyinza si yankiso, ensonga y’okwogera ku bigenda mu maaso mu kibiina kyaffe tetwetaaga lukusa kuva wa muntu yenna”