Katikkiro Charles Peter Mayiga avumiridde ab’ebyokwerinda abaatyobodde eddembe ly’Abakyala ababaka ba Paalamenti.
Agambye nti ekikolwa ekyakoleddwa ab’ebyokwerinda okukuba, n’okutulugunya ababaka ba palamenti abakazi, kyabadde kibi nnyo kyoonoona ekifaananyi ky’Eggwanga.
Awabudde ebitongole ebikuuma ddembe okukwata abakyala mu ngeri ey’enjawulo singa wabaawo ensonga, okusobola okukuuma ekitiibwa ky’eggwanga, kuba obugunjufu bwalyo bupimibwa ku ngeri gye liyisaamu abakazi.