Abantu ba Ssaabasajja Kabaka ab’omu gombolola ya Ssaabaddu Katabi, mu Ssaza lye Busiro, babanguddwa mu musomo gw’okukuuma obutonde bwensi, ettaka, n’enzimba y’ennyumba ey’abantu abatasobola kwetengerera nga bayita mu nkola ya Bulungibwansi.
Omusomo gubadde ku ssomero lya Bulega Church of Uganda primary school e bulega nalugala.
Minisita w’ettaka, obulimi, obutonde bwensi, obwegassi, ne Bulungibwansi, Owek Hajjat Mariam Mayanja Nkalubo, asinzidde wano naakubiriza ba Buganda okujjumbira okwewandiisa ku bibanja bafune ebiwandiiko ebiboogerako beewale okutaataaganyizibwa nga waliwo enkulaakulana ezze mu bitundu byabwe.
Brenda Luyiga, ow’ebyempuliziganya mu kitongole kya Habitat For Humanity, asabye abantu okubeera n’ebiwandiiko by’ebibanja oba ettaka webabeera kisobozese ekitongole kino okuteeka obulungi mu nkola obweyamu bwabwe obw’okuzimbira abantu abateesobola naddala abakadde ennyumba ezisulwamu.