Abayizi bana mu Ssomero lya Buyaaka Parents SS mu Disitulikiti y’e Bulambuli bafiiriddewo mbulaga n’abalala 49 ne baddusibwa mu ddwaliro e Mbale nga taasulewo taasiibewo y’ali ku mimwa Oluvannyuma lw’okugwa ku kabenje nga bagenda okulambula e Kampala enkya ya leero.
Akabemje kano kagudde ku kyalo Karampete ku luguudo mwasanjala oluva e Mbale okudda e Tirinyi, nga Bus abayizi bano mwebabadde batambulira omugoba waayo abadde agisimbye ku mabbali g’oluguudo abaana basobole okweteewuluzaako wabula Bus ya Kampuni ya Gateway n’egitomera neyeerindiggula eri nga n’abaana bakyalimu era bana nebafiiramu nga basatu babadde ba Siniya yaakuna.
Aduumira Police y’ebidduka mu Bukedi region Okog Paul akakasizza akabenje kano.