Abayizi bakubiddwa ebifunfugu by’ekizimbe ky’essomero, bapookya – Mubende

Abayizi bana mu ssomero lya St. Kizito Primary School mu ggombolola y’e Kitenga ekisangibwa mu Disitulikiti y’e Mubende baddusiddwa mu ddwaliro nga baleebaleeba oluvannyuma lw’okukubwa ebifunfugu by’ekizimbe awamu n’okutemwa amabaati. 

Kino kiddiridde namuttikwa w’enkuba efudembye mu kitundu kino atikkuddeko obusolya bw’ebizimbe by’essomero lya St. Kizito Primary School ne bikuba abayizi bano era Ssentebe w’eggombolola y’e Kitenga akakasizza bino n’agamba nti ssi bizimbe bya ssomero lino byokka, naye n’akasolya ka  Eklezia y’e Busenya ekalese ku ttaka ssaako n’obusolya bw’ennyumba z’abatuuze ezisukka mu abiri.