Ababaka abatuula ku Kakiiko ka Palamenti akavunaanyizibwa ku by’obulimi bawuniikiridde bwebakizudde nti waliwo ebiddiba wamu ne ttanka z’amazzi ezomubiwonvu by’e Karamoja ne Teso sub-regions ebyalina okusimibibwa tebyasimibwa yadde nga Gavumenti yawaayo obuwumbi bw’ensimbi okubizimba okusobola okutumbula ebyobulimi mu bitundu bino.
Ssentebe w’akakiiko kano Hon. Janet Okori-Moe ategeezezza nti okugeza dam ya Paylong eyalina okuyamba abantu b’e Kotido eyalagibwa nti yasimibwa teriiyo. Ono agamba nti basanzeeyo ekiddiba ekirimu omuddo nga kino kyazimbibwa Minisitule y’amazzi.
Ono agamba nti ne mu Disitulikiti y’e Abim basanzeeyo kinnya ekitamalirizibwa era tekyakwasibwa Disitulikiti.