abavubuka basisinkanye
Abavubuka ba wano basisinkanye n’abebweru wa Buganda okubaako byebabangulwamu
Katikkiro wa Buganda Charles Peter Mayiga aggaddewo olukungaana olw’ensisinkano y’abavubuka aba wano e Buganda naabo abawangaalira ebweru wa Buganda.
Mu ngeri yeemu Katikkiro atongozza ebbanguliro ly’obukulembeze mu Buganda nga lino lyakubangula abantu abali mu bukulembeze naabo abeegwanyiza okuyingira ebifo by’obukulembeze.
Mu kwogera kwe, Katikkiro akuutidde abavubuka okutambulira ku mubala, “okufissa, okutereka n’okusiga” kibasobozese okwekulaakulanya.
