Abatuuze ku kyalo Lumpewe, Kamuli Parish, Kikamulo Sub-County mu Nakaseke Central bekumyeemu ogutaaka nebatandika okusimba ebitooke mu luguudo oluva e Kalule -Lumpewe-Kiwoko nga balaga obutali bumativu bwabwe olwembeera gyerulimu mu kaseera kano.
Emotoka ya Poliisi eyabadde ereeta abasirikale okuva ku Poliisi e Kiwoko okugumbulula abatuuze nayo yagudde mu kinnya neyoononeka.
Omubaka w’ekitundu kino Munnakibiina kya National Unity Platform Allan Mayanja Sebunya agamba nti kyandiba nga okwediima n’okwekalakaasa mu mirembe lwerulimi Gavumenti lwewulira. Ono agamba nti bajja kusigala nga balwanirira Bannayuganda okulaba nti bafuna obuweereza obusaanidde.