Abatuuze e Mukono basaze ente oluvannyuma lw’okufa kwa nnyini ttaka
Abatuuze ku kyalo Lwanyonyi – Kirangira mu Nama Sub-County mu Disitulikiti y’e Mukono bajjaganyizza nebategeka n’ekijjulo oluvannyuma lwa Land Lord waabwe okufa.
Abatuuze bajaganyizza oluvannyuma lwa nnyini ttaka Israel Dickson Banoba okufa. Ono abadde agugulana n’abasanze ku ttaka okumala emyaka egisoba mu 30 nga yafudde mutima.
Abatuuze abasoba mu 80 nga bakulembeddwa Umaru Ssebuyonjo basaze ente gyebayozezza. Banoba nga tanaffa yategeeza nga bweyagula ettaka lino eriweza yiika 200 okuva ku Dr. Emmanuel Lumu mu 1971.
