ABATUUZE E GOMBA BATEMYE ABABAGOBA KU TTAKA
Abatuuze ababadde bataamye obugo e Gomba basazeeko abantu 3 emitwe ate abalala babiri nebabatemako emikono abalala 4 bali ku kitanda bapooca nabiwundu nga n’ebisolo ebisukka mu 50 bitiddwa.
Juma Mugerwa 21, nga kati ali mu ddwaliro e Mulago apooca agamba nti mutuuze w’e Kamuli Kireka B nga waliwo omugagga ayitibwa John Ogwang eyabakimye nga alina emirimu gyayagala bamalirize.
Ono yabagambye nga bwalina ettaka lye lya yiika 8 e Gomba ku kyalo Kasaka nga ayagala abatwale balime. Bweyabatuusizaayo yabagambye batandike okulima kuba yabadde agenda kulimirawo Kasooli.
Ono agamba nti babadde bakatandika okulima ekibinja ky’abantu ne kibazingako. Baagezezaako okudduka wabula ekibinja ne kitusimbako ne babakwata ne batandika okubatemaatema. Nga era obwedda babatema bwe babuuza nti ettaka kwe musaalimbira temumanyi nti liriko enkaayana?
