Abatuuze ababeera mu Zzooni ya Kayanja Triangle esangibwa mu Lubaga baavudde mu mbeera ne baziba ekkubo eriyita ku Nnyanja ya Kabaka okubeera ebbi ennyo. Bano basiimbye ebitooke, emiti wamu n’okwookya ebipiira ekyalemesezza emmotoka okukozesa oluguudo luno.
Bano bagamba nti bamaze ebbanga nga balaajanira abakulembeze ba Munisipaali y’e Lubaga okuvaayo babakolere oluguudo luno naye nga besuulirayo gwa nnagamba.
Bagamba nti emotoka ziyitiridde okugwa ku luguudo luno olw’enfuufu ennyingi eluliko, nga ne gyebuvuddeko tulakita yalemererwa okwambuka akatunumba akali ku luguudo luno n’edda ekyenyumanyuma n’etomera ennyumba kwossa n’okumenya mutuuze munaabwe
abatuuze bazibye ekubo e lubaga
