Abatuuze bakukkulumira Ssentebe okwekobaana okubagoba ku ttaka

Abasuubuzi abawangaalira ku kyalo Kiwanga Mawoto mu Namanve Industrial Park okuliraana kkampuni  ya Coca-Cola basula bakukunadde nga lumonde mu kikata oluvannyuma lwa Ssentebe waabwe owa LC I,  Kabega Moses Mulinde okwekobaana n’abakkampuni esunda amafuta eya Shell Uganda okubasengula ku ttaka kwe bamaze emyaka egisoba mu abiri .

Kansala akiikirira omuluka gw’e Nantabulirirwa ku Munisipaali y’e Mukono , Robert Ssozi avuddeyo n’asaba aba Shell okuvaayo boogerezeganye n’abatuze bano.

Bbo abatuuze balumiriza Ssentebe waabwe Kabega Moses Mulinde okubasoloozanga obusuulu ate kati bamwewuunya okubagoba.

 Ye Ssentebe ayogerwako asambazze ebyogerwa abatuuze n’agamba nti bamusibako matu ga mbuzi kumuliisa Ngo.