Abatuuze abasoba mu 2000 mu Disitulikiti y’e Mubende boolekedde okutodoka enjala olwa nannyini ttaka asaanyaawo emmere yaabwe yonna.
Bano abali ku kanaayokyani batuuze ku byalo okuli Kiryajjobyo, Bukyonjo, Kawalala nga byonna bisangibwa mu ggombolola y’e Kitumbi mu Disitulikiti y’e Mubende.
Nyangabo Aron, Nkwatirire Ismail bategeezezza nti emmere yaabwe yonna okuli Mawogo,e Bitooke , Lumonde ne Kasooli abakozi b’omugagga babisaanyizzaawo ku biragiro by ‘ omugagga kino nno nekiviirako abatuuze okusigala nga tebalina kakuzza eri mumwa.
Ye Ssewankambo Ivan owa IVYS Logistics Limited eyakwasibwa okuddukanya ettaka lino ategeezezza nti baatuuka ku nzikiriziganya n’abatuuze abali ku ttaka lino nti bagenda kugabanira wakati ettaka lyebaliko okusobola okwegula basigazeeko ekitundu naye bano kyebalemeddwa okuteeka mu nkola