Abataka ba Buganda nga bakulembeddwamu Kyaddondo Kasirye Mbugeeramula (Nvuma), Mawesano Deus Kyeyune (ŋŋaali), Sheba Kakande (Ngeye), Erias Lwasi Buuzaabo (Ndiga), Godfrey Natiigo (Katikkiro w’Ekika ky’Olugave) ne Walusimbi Mbirozankya (Ffumbe) bagenze e Namibia gyebagenda okumala enaku 5 gyebagenze okukebera ku Kabaka wa Buganda Ronald Muwenda Mutebi II.
Bano bagamba nti ekyabatutte kwekumalawo eŋŋambo ezibadde zitambuzibwa ku bulamu bwa Kabaka.
Wabula Minisita avunaanyizibwa ku nsonga z’amawulire okuva mu Buganda Owek. Israel Kitooke Kazibwe yategeezezza nti olugendo luno tebalumanyiiko nti era Abataka bakikoze ku lwabwe.
Ye Minisita Omubeezi owa ICT Joyece Ssebuggwawo Nabbosa agamba nti Abataka abagenze basaba Pulezidenti Yoweri Kaguta Museveni abayambe asabe munne owa Namibia H.E Nangolo Mbumba abakirize okuyingira Eggwanga okugenda okulaba Kabaka.
Ekifaananyi nga Abataka batuuse e Windhoek, mu Ggwanga lya Namibia.