Abasuubuzi e Mubende beekyaye nebagumba ku yafeesi za Munisipaali ya Mubende olw’omusolo omuggya ogwabagerekeddwa gwebagamba nti gususse obungi.
Bano omuli abatunda ; Amatooke, Lumonde, Muwogo, Amanda, Ennyama, ebyennyanja n’ebirala okwesitula okugumba ku yafeesi bakulembeddwamu Nakakaawa Rose ne Babirye Barbra era nga bano bakolera mu butale okuli akoomu kibaati n’aka Central Market.
Abasuubuzi bano bakukkuluma nti babatisse omusolo ogususse obw’omulamuzi nga luli babadde basasula 6000 babatadde 10.000 buli mwezi nga okwo kwogasse n’okubatonderawo omusolo omupya ogwa 80.000 eza bu ssitoowa mwebatereka ebintu.