Rt. Hon. Robinah Nabbanja avuddeyo nanenya nnyo Abasomesa b’amasomo ga ‘Arts’ olwokuvaayo nebediima okusomesa abaana b’Eggwanga Yuganda nga bekwasa ekya Gavumenti okwongeza basomesa banaabwe aba ‘Science’ omusaala bo nebatalowoozebwako.
Ono agamba nti bano basaana bajjukire nti Gavumenti yabasasula omusaala gwabwe ggwonna okumala emyaka ebiri ensi bweyali erwanagana n’ekirwadde kya ssenyiga omukambwe lumiima mawuggwe owa COVID-19 so nga baali tebasomesa. Nabbanja bano abasabye basooke bakakane Gavumenti emalirize banaabwe aba ‘Science’ n’abasirikale ba Poliisi n’oluvannyuma nabo yakubalowoozaako.