Abasomesa 2 basimbiddwa mwaka lwa kubba bigezo bya P7
Omulamuzi w’Eddaala erisooka owa Kkooti y’e Kira olunaku olwaleero asindise Abasomesa 2, Albert Pabeku ne Vincent Muheki mu kkomera ku bigambibwa nti bakirizza okusangibwa n’ebigezo by’ekibiina ekyomusanvu ebyomwaka 2024. Bano abawadde ekibonerezo kyakusibwa omwaka 1 n’emyezi 2 oba okusasula engasi ya bukadde 5.
Bano babadde ba mmemba ku mukutu gwa WhatsApp ogwatuumiddwa “Final Cake 2024.”
Abasomesa abalala 2 okuli; Kevin Bakashaba ne Hosea Oyet, abasoose okukiriza omusango nga bayita mu Munnamateeka waabwe ate oluvannyuma bekyuusizza nebegaana omusango era nebasa Kkooti ebafunire omuvvuunuzi amanyi Olunyankore.
