abasirikale ba poliisi bagudde mu nnyanja

Abasirikale ba Poliisi erawuna ennyanja bataano bagudde mu mazzi eryato mwe babadde batambulira nga bali ku mirimu gyabwe  mu ttumbi bwe lyebbise mu nnyanja Nalubaale bano kuliko; Stella Akello, Gerald Mageno, Ceasar Okolle, Godwin  Oplot ne Innocent Oluke.

Bino bibadde  mu bwengula bw’ennyanja Nalubaale ku ssaawa 9:00 (mwenda ez’ekiro) abaserikale ba poliisi erawuna amazzi bwe baaguddemu olw’embeera y’obudde etabangudde ennyanja kyokka ne bakozesa obukugu  ne bawugira  essaawa bbiri nnamba ne batuuka ku lukalu ne bawonya obulamu.

Omwogezi wa poliisi mu Kampala n’emirirwano Patrick Onyango yagambye nti akabenje kituufu kaabaddewo okumpi n’omwalo gw’e Katosi mu Kyaggwe eryato bwe lyefudde olw’enkuba eyabadde efukumuka.

Wabula we baatuukidde ku lukalu ng’abasatu amaanyi gabawedde olw’embeera y’obukoowu n’obunnyogovu eyabaddewo era baatwaliddwa mu  ddwaaliro e Kiruddu mu Kampala kyokka nga babadde tebannasibulwa.

0 replies

Leave a Reply

Want to join the discussion?
Feel free to contribute!

Leave a Reply