Abantu babiri nga bano babadde basibe bafiiridde mu kabenje ate abalala 18 nebalumizibwa byansusso emotoka y’amakomera nnamba UAL 349F Isuzu kwebabadde batambulira bweyaremeredde omugabo waayo bweyabadde agezaako okutaasa owa Boda Boda. Bino byagudde Namayumba ku luguudo lwa Hoima Road mu Wakiso.
Okusinziira ku mwogezi w’ekitongole ky’amakomera Frank Baine yategeezezza nti abasibe bano bakomera ly’e Kitalya. Abafudde kwekwabadde ne Zubairi Yasin nga ono yasalirwa omusango mu 2013 nga ekibonerezo kye kibadde kiggwako mu 2025.
Baine yagambye nti ekitongole ky’amakomera kyawerezza dda abasajja baakyo ku ddwaliro ly’e Namayumba okwongera okuyamba ku basawo.
