Abaserikale ba Minisita Kibuule bamenye essomero – Buyikwe
Abatuuze bo ku kyalo Kigaya – Ggolomolo ekisangibwa mu ggombolola y’e Najja mu Disitulikitiy'e Buyikwe bakyabuliddwa gye basomeseza abaana oluvannyuma lwabaserikale ba Minisita Ronald Kibuule okumenya akasomero omubadde musomera abaana baabwe n’ebintu by’essomero bingi ne babyonoona.
Bagamba nti kati abaana baabwe tebakyasoma olwengendo ze batindigga ate nga n’omulimu gw’okuvuba ogubadde gubakwatiridde abaserikale bo ku mazzi baagwonoona nga kati baagala buyambi.
Mu ngeri y’emu bakukkulumidde abakulembeze omuli Minisita Ronald Kibuule, omubaka w'amaserengeta ga Buikwe David Mutebi, aduumira Poliisi mu kitundu kya Ssezibwa Bob Kagalura okuba emabega w'embera ebataataaganya olw'obutavaayo kubayamba.
Wabula atwala ebyenjigiriza mu Disitulikiti y'e Buyikwe Bill Tomusange agumizza abatuuze nti bagenda kulaba ekikolebwa okubayamba amangu ddala nga nwekisoboka.
