Pulezidenti Yoweri Kaguta Museveni kyaddaaki avuddemu omwasi ku nsonga y’abasawo abeediima okuva omwaka oguwedde nga baagala bongezebwe ku musaala n’agamba nti balabe ba ggwanga abawedde emirimu.
Museveni w’ayogeredde bino amawulire buli olukya geegera ku Gavumenti engeri gy’egenda okupangisa abasawo okuva mu ggwanga lya CUBA bayembeko aba wano nga kyetaagisa lukumi mu bitaano eza ddoola z’amerika ku buli musawo ekintu ekibiina ekitaba abasawo ki Uganda Medical Association kyekiwakayiza ddala.
Nabwekityo olwaleero Pulezidenti Museveni ng’asinziira ku mikolo gy’olunaku lw’abakozi e Ssembabule akalambidde nti tayinza kukkiriza bantu beeyita basawo naye nga bateeka ebikola wansi nga beerimbika mu kubongeza musaala ate abantu nebafa.