Tiimu y’abasawo abakugu mu kujjanjaba ekirwadde kya Kookolo okuva mu America baakutonnya mu ggwanga enkya ku lwokutaano okwekebejja omuwala Carol Atuhairwe amaze n’ekirwadde kya kookolo wemimiro okumala emyaka etaano .
Abasawo bano bagenda kukola okwekebejja okwekikugu eri Carol era bawabule ku kiseera ekituufu ekyokumulongoosezaako .
Okusinziira ku mukulu wa Carol Jackie Atugarurirwe agamba nti abasawo bano bagenda kukolaganira wamu n’abasawo baawano abajjanjaba kookolo mu ddwaliro lye Mulago era baakukola ne kubalwadde ba kookolo abalala abali mu ggwanga oluvannyuma lwa Carol .
Ayongerako ( Jackie Atugarurirwe) nti wategekeddwawo okusaba okwenjawulo ku lwokusatu olujja okuwaayo Carol eri Mukama Katonda ayongere okumukolera ebyamagero nga era mu kusaba kuno Carol asuubirwa okulangirira enteekateekaze eri eddwaliro lya Kookolo .