Eyaliko Ssaabaminisita wa Yuganda Amama Mbabazi John Patrick yavuddeyo nalaga enyiike eri abantu abawerako beyali ayita mikwano gye abamulekerera. Bino yabyogeredde mu kuziika kizibwe we James Katono ku kyalo Katinda, mu Gombolola y’e Rweikiniro mu Disitulikiti y’e Ntungamo. Mbabazi yagambye nti afunye ekyokuyiga okuva ku mikwano gye wano mu Yuganda n’ebweru waayo nga bano baaliwo mu kadde akalungi kokka.
Mbabazi yagambye nti mu bulamu waliwo abantu betuyita emikwano naye nga balina amannya nga Katesigwa, balaga nti mikwano gyo ku ngulu naye waliwo akaseera akatuuka nga bonna tolina gwewesiga.
Yagambye nti yalina emikwano mingi wabula nga kati yabawulamu emiteeko, alina abo abeerawo mu kadde ngobudde bulungi nga wabula singa embeera ekyuuka ogenda okumagamaga nga tobalabako.
Leave a Reply
You must be logged in to post a comment.