Abantu bana bakakasiddwa nti be battiddwa mu bikolwa eby’obubbi mu disitulikiti ye Nakaseke ne Luwero ,ekirese abatuuze nga batidde .
Abattiddwa be Margaret Nakafeero,omutuuze ku kyalo Bulyankuyege mu gombolola ye Katikamu mu disitulikiti ye Luwero, Mustapha Ssekweyama , Jamadah Ssentoogo n’omualala ategeerekeseeko erya Muhamood nga bano bonna ba ku kyalo Nabisojjo mu Gombolola ye Wakyato mu Disitulikiti ye Nakaseke .
Ayogerera Police mu bitundu bya Savannah Lameck Kigozi agamba nti Nakafeero yakubiddwa amasasi ababbi basatu abaabadde babagalidde emigemera wala mu kiro ekikeesezza leero mu bulumbaganyi obwabadde mu makage nga baagala obukadde 30 bbaawe bweyatunze mu ttaka .
Ate abalala abasatu baabadde babbi abattiddwa abatuuze bwebalumbye ekyalo Kanyale mu Gombolola ye Wakyato, bwebatyo abatuuze nebabataayiza nebabakuba okukkakkana nga babamizizza omusu .