Enkya yaleero eryato eribadde lisaabaza abantu n’ebyamaguzi okuva e Kitobo ku kizinga ky’e Banda ekiriraanye Kalangala nga oyolekera Kasenyi bawonedde watono awalema ekkere okubuuka okufiira ku nnyanja eryato mwebabadde basaabalira bwelikutte omuliro. Ababaddeko bagamba nti eryato lino libadde liweddemu amafuta era ttanibboyi walyo kwekugenda n’ekidomola ayongeremu amafuta nga yingini ekyayaka awo omuliro wegwakwatidde engine n’ekidomola ky’amafuta ekyasuuliddwa mu nnyanja okutaasa eryato.
Bano batasiddwa abasirikale b’eggye lya UPDF abalawuna ennyanja oluvannyuma lw’okulengera omukka mu bbanga.
Abantu abawerako basimattuse okufiira ku nnyanja Nalubaale
