Abantu 4 bafiiridde mu kabenje
Akabenje kagudde ku luguudo lwa Yusuf Lule ku ssaawa mukaaga ez’omuttuntu emotoka nnamba UBA 111E bweremeredde omugoba waayo neyefuula neggwa mu Golf Course nettirawo bonna abagibaddemu oluvannyuma lw’okutomera omuti nga babadde bakozi ku kkampuni y’amazzi eya Hema Beverages e Bwaise.
Abafudde kuliko; Kalakada Dileep 22, Munnansi wa India nga yabadde avuga, Xu Xiang Sheng 29, Wei Ya Wei 28, ne Su Wei 35 nga bano Bannansi ba China.
Emirambo gyabwe gitwaliddwa mu ggwanika e Mulago nga bwebalindirira okugikwasa ebitebe by’ensi zaabwe.
