Police egamba nti tegenda kulonzalonza okugombamu obwala abo bonna abagenda okwekeserera obugonja mu biseera bino eby’ennaku enkulu nebateeka obulamu bwa abalala mu katyabaga.
Bw’abadde nga ayogerako ne Bannamawulire mu kwekebejja emmotoka e Nakawa, Commissioner avunaanyizibwa ku by’okwekebejja emmotoka, Frank Kugonza agamba nti abantu batera nnyo kwekatankira omwenge mu biseera by’ennaku enkulu ate nebatandika okutagalira mu luguudo ekiviirako obubenje obuyitirivu mu ggwanga.
Wabula bwabadde yeekebejja embeera emmotoka gyezirimu , Kugonza avuddeyo n’ategeeza nti tebagenda kulonzalonza kuyoola abagenda okunywa omwenge ate nebavuga.