Abalwadde mu ddwaliro ekkulu ery’e Kiboga bavuddeyo nebalaga obutali bumativu bwabwe olw’abasawo obutakola bulungi mirimu gyabwe.
Kino kijjidde mu kiseera nga Meeya wa Tawuni Kanso y’e Kiboga, Haji Sulaiman Ssekiwunga abadde alambula abalwadde mu ddwaliro ly’e Kiboga erya Gavumenti . Abalwadde bagamba nti abasawo babakana ensimbi zebatalina so ate era bwebaleeta abalwadde tebabakolako babeera mu busenge nga beebase.
Meeya Ssekiwunga yennyamidde olw’embeera eddwaliro gyerisangiddwamu era n’asaba ekitongole ekivunaanyizibwa ku by’obulamu okuyingira mu nsonga zino nga ekiwundu tekinnasamba ddagala .