Sipiika wa Palamenti Nnaalongo Anitah Among olunaku olwaleero akwasizza abaliko ba Sipiika emotoka empya ttuka ezaguliddwa Palamenti. Ono bwabadde azibakwasa abategeezezza nti Gavumenti egenda kubawa amafuta n’okuziddaabiriza nga bwekyetaagisa era esasule ne ba ddereeva baazo naye nga buli omu agenda kwefunira ddereeva bamuwandiise.
Sipiika era abategeezezza nti buli luvannyuma lwa myaka etaano bajja ku bakyusizanga emmotoka naye nga omuntu basobola okumuwaamu endala yadde ng’emyaka 5 teginnawera singa ebeera efunye obuzibu wabula nti zino zisigala nga za Gavumenti era abeera alina okugikomyaawo nebamuwa endala.
Okusinziira ku Sipiika, bano bagwanidde okukolerwa ebyo byonna kubanga bantu ba Gavumenti era Gavumenti erina okubalabirira.
Leave a Reply
You must be logged in to post a comment.