Ssaabasajja Kabaka wa Buganda Ronald Muwenda Mutebi 11 nga enzingu ttaano mu mwezi gwa Museenene asiimye okulabikako eri Obuganda ng’agenda okulambula essaze lye ery’ e Bulemeezi gy’agenda n’okukulemberamu emikolo gy’okukuza olunaku lw’abavubuka mu Buganda .
Emikolo egy’enjawulo gigendera ddala mu maaso n’okukwajja omuli Bulungibwansi awamu n’enkambi y’ebyobulamu nga eno eri mu kisaawe ky’e Buyuki mu Ggombolola y’e Katikamu nga wano nnamungi w’omunti yeeyiye ku nkambi eno okusobola okukeberebwa endwadde ez’enjawulo n’okufuna obujjanjabi obutali bumu. Enteekateeka eno ey’obujjanjabi ewomeddwamu omutwe aba Christian Model Minisitries .
Samu Sserunjogi nga ono yaliko Ssentebe w’eggombolola y’e Katikamu y’omu ku bateesiteesi .