Abalangira , abakulu wamu n’abataka abakulu abeebuuzibwako ensonga mu ssaza lye Bukono mu Disitulikiti y’e Namutumba basabye Omukulembeze w’eggwanga Yoweri Kaguta Museveni ataawulule n’okumalawo obutakkaanya obuli wakati wa Minisita Persis Namuganza ne Sipiika Rebeca Kadaga.
Mu lukiiko lwabwe lwebaatuuzizza mu maka ga Mw. Baite Munobwa ku kyalo Ivukula nga lwetabiddwamu ba Ssaabalangira omuli omulangira Mukunya Milton Waako nè Ssaabalangira wa Bulamoji ow’ekitiibwa Naigobya Kisira Samuel, sssaako abakungu bangi abaagala emirembe mu Busoga ne Yuganda.
Abakungu bano bagamba nti ssinga obutakkaanya bugenda mu maaso , Busoga egenda kusigala mabega mubyenkulaakulana ate nga Hon. Namuganza ne Hon. Kadaga bonna baana ba Busoga kale basaanye buli omu ategeere olubimbirwe.