Abakyala abakulembeze ku Gombolola ya Makindye Mutuba III, batandiseewo kaweefube w’okwekulaakulanya nga bafuna emisomo okuva mu bakugu basobole okutumbula embeera z’omu maka gaabwe.
Ku mulundi guno, bakyaliddeko Mukyala Racheal Ddungu Lubowa, owe Buziga, omulimi era omulunzi omukuukuutivu.
Mukyala Lubowa asabye abakyala ba Buganda okwettanira okulimira awatono nga balima ebirime ebinaabawa ensimbi.
Abalaze engeri gyalimamu emmere, okukola ekijimusa okuva mu kasasiro wamu n’okusimba ebimuli ebimuyambye okukuuma obutonde bwensi.
Enteekateeka eno ekulembeddwamu Mukyala Amina Kinaazika, omukulembeze w’abakyala mu Gombolola ya Mutuba III Makindye.
Leave a Reply
You must be logged in to post a comment.