Ekitongole mu UPDF ekirwanyisa envuba embi ekya UPDF Fisheries Protection Unit kiriko obutimba obuli eyo mu bukadde n'obukadde bw'ensimbi kyebukumyeko nabbambula w'omuliro nebusirikka nga bukwatiddwa mu kikwekweto ku mwalo gw'e Buyiga nga guno gusangibwa mu ggombolola y'e Kammengo mu Disitulikiti y'e Mpigi.
Omusasi waffe Aloysius Ssengendo atutegeezezza nti guno omulundi gwa kubiri nga eggye lya UPDF likola ebikwekweto nga bino mu kitundu kino omubadde okwokya amaato kkumi n'abiri, Obutimba 76 wamu n'okuyoola abagambibwa nti balemedde ku nvuba emenya amateeka.