Omwogezi w’eggye lya Uganda People’s Defense Forces (UPDF) Brig. Richard Karemire avuddeyo nayogera ku kuddamu okukwatibwa kw’abasajja 4 okuli; Yusuf Nyanzi, Jibril Kalyango, Joshua Kyambadde ne Yusuf Mugerwa wamu ne Munnamateeka waabwe James Mubiru. Brig. Karemire agamba nti bano bakwatiddwa aba Joint Security Forces nga bakuumirwa mu bifo ebiri mu mateeka ku bigambibwa nti batambangula eddembe.
Ono mu bigambo bye agambye nti Bannayuganda betaaga eddembe era nga abebyokwerinda bakukola kyonna ekisoboka ekiri mu mateeka okulaba nti bakuuma Bannayuganda mu mirembe. Wabula ono agaanye okunnyonyola wa abakwate gyebakuumirwa.