abakozi ba gavumenti mubeere bagumu – Muluuli mukasa

Minisita w’abakozi, Muluuli Mukasa asabye abakozi mu bitongole Gavumenti by’etaakateeka okugatta obutatundugga mmeeme n’agamba nti kino kyakubayamba bbo ng’abakozi ate ne Gavumenti mu ngeri ez’enjawulo.
Ng’ayogera eri ab’amawulire e Sseeta ku muzikiti gw’Abasiraamu Abahmdiyya, Minisita Mukasa yagambye nti Gavumenti yakufissa ensimbi nnyingi ezibadde zitokomoka mu kuyimirizaawo ebitongole ebingi ebyazuuliddwa ng’ebimu bibadde bikola emirimu gyegimu.
Agambye nti ensimbi zino zaakuyamba okwongeza omusaala gw’abakozi n’okubasasula mu budde. Wabula agumizza abakozi abookukosebwa mu nteekateeka eno n’agamba nti bagire nga bakyali bagumu kuba enteekateeka eno tegenda kupapirwa nga yaakutwala ebbanga eriri eyo mu myaka 3 okutuusa ng’ebintu bingi biteekeddwa mu nkola.