Abajambula 10 ababadde babagalidde emigemera wala balumbye ekitebe kya Police e Kapchorwa ne bakuba amasasi abaserikale 4 nekufaako 1 a basatu ne baddusiddwa mu ddwaliro nga biwala ttaka.
Aduumira Police mu biri bitundu bye Kapchorwa Grace Patrick Odokonyero agamba nti abali mu ddwaliro bakolebwako bulungi ate eyafudde omulambo guweereddwayo okuziikibwa.
Odokonyero ayongerako nti kirabika abajambula bano baabadde n’ekigendererwa eky’okununula abantu baabwe abali ku Police mu kaduukulu era baakuuliseeko n’emmundu emu.
Bino byonna bibaddewo ekiro ekikeesezza leero mu bitundu bye Kapchorwa.